Alma Redemptoris

“Ángelus Dómini nuntiávit Maríæ

Et concépit de Spíritu Sancto”.

ALMA REDEMPTORIS

DO PRIMEIRO DOMINGO DO ADVENTO À PURIFICAÇÃO

Alma Redemptóris Mater, quæ pérvia cæli

Porta manes, et stella maris, succúrre cadénti,

Súrgere qui curat pópulo: tu quæ genuísti,

Natúra miránte, tuum sanctum Genitórem

Virgo prius ac postérius, Gabriélis ab ore

Sumens illud Ave, peccatórum miserére.

Durante o Advento

℣. Ángelus Dómini nuntiávit Maríæ

℟. Et concépit de Spíritu Sancto.

Oremus

Grátiam tuam quáesumus, Dómine, méntibus nostris infúnde; ut qui, ángelo nuntiánte, Christi Fílii tui Incarnatiónem cognóvimus, per passiónem ejus et crucem, ad resurrectiónis glóriam perducámur. Per eúmdem Christum Dóminum nostrum.

℟. Amen.

Do Natal a Purificação

℣. Post Partum Virgo invioláta permansísti.

℟. Dei Génitrix, intercéde pro nobis.

Orémus

Deus, qui salútis ætérnæ beátæ Maríæ virginitáte fecúnda humáno géneri práemia præstitísti: tríbue, quáesumus, ut ipsam pro nobis intercédere sentiámus, per quam merúimus, Auctórem vitæ suscípere Dóminum nostrum Jesum Christum Fílium tuum.

      ℟. Amen.